Sundag 8. mars klokka 18.00 inviterer Eldar IL til årsmøte i Sambygg. Årsmøteheftet for 2025 ligg no klart, med årsmelding, rekneskap og saker som skal behandlast på møtet

Me vonar mange tek turen og deltek i medlemsdemokratiet!

Les saksgrunnlaget til årsmøte

Saksliste – Årsmøte i Eldar IL for 2025

Sak 1 - Godkjenning av dei røysteføre medlemmane

Sak 4 - Val av to medlemmar til å signere protokollen

Sak 8 - Godkjenning av styret si årsmelding for 2025

Sak 10.1 - Søknad om opptak i NAIF (Norges Amerikanske Idretters Forbund)

Forslag frå hovudstyret om å søkje opptak.

Sak 10.2 - Orientering om prosjekt klubbhus på Sundve

Sak 11 – Fastsetjing av medlemskontingent og treningsavgift for 2027

Sak 13 – Behandling av idrettslaget sin organisasjonsplan

Sak 14 – Val av representantar til ting og møte i andre organisasjonsledd

Sak 15 – Vedta idrettslaget sin sportsplan for 2026

Sak 17 – Avgjer om det skal engasjerast revisor

Rekneskap, budsjett og øvrige saksdokument vert publisert på heimesida så snart dei er klare.&nbsp;

Saksliste til årsmøte

Me startar med opp med damefotball kvar torsdag i gymsalen på Sundve, klokka 18.30-20.00. 

Dette er eit lågterskel og gratis tilbod for alle kvinner. Om det er interesse for det, planlegg dei å halde fram med treningar ute når våren kjem.

Fyrste trening vert allereie fyrstkomande torsdag 12.2. 

Kontaktpersonar og iniativtakarar er Marit Knapstad Tveite og Velaug Ure

Legg gjerne til gruppa på appen Spond. Gruppekode: SWRUL

Oppstart av damefotballtreningar

Skigruppa inviterar til hopprenn og krossrenn fyrstkomande sundag 8/2 klokka 12.00. Me vonar mange tek turen til det flotte anlegget vårt på Framnes. Alle bakkane (K5 - K10 - K22 - K26 og K 55) er klare til bruk og det er fine forhold for tida.

Start prøveomgang klokka 12.00 og det vert krossrenn etter hopprennet.&nbsp;

Premieutdeling for både hopp og kross. Her blir det premiar til alle!

Det er heilt gratis å vera med, men kjøp gjerne litt i kiosken. Her kan me frista me sal av kaker, kaffi og saft. Betaling på vipps.&nbsp;

Påmelding innan fredag på SMS til 904 19 991(Magne Sørestrand) eller skilaupar@gmail.com

Hopp og kombikrossrenn på Framnes

Det vert ordinært årsmøte i Eldar 8.mars klokka 18.00 i Sambygg.&nbsp;

Det vert utdeling av stipend og pokalar, vanlege årsmøtesaker og innkomne saker.&nbsp;

Har du ei sak du ynskjer å ta opp? Send denne til styret@eldar.no innan 22.februar

Saksliste og dokument blir publisert 14 dagar før.

Årsmøte 8.mars

Faktura for 2026 vart sendt ut til alle våre medlem i går. Etter vedtak på årsmøte i 2025 er kontingent oppjustert til 250kr for enkeltmedlemsskap og 500kr for familiemedlemskap.&nbsp;

Viss ikkje du har fått faktura, så er det fordi:&nbsp;

* Fakturaen har gått til den andre føresette i familiemedlemsskapet

Skulle det vera det siste punktet, så kan du melde deg inn her:&nbsp;<a href="https://medlemskap.nif.no/SelectActivity/Index/25331">https://medlemskap.nif.no/SelectActivity/Index/25331</a>

(Innmeldingsida er no oppe og går igjen, etter å ha vore ute av drift sidan nyttår)

Om du ikkje har fått lagt til alle i husstanden eller har andre utfordringar, så kan det meste ordnast inne på <a href="http://minidrett.no">MinIdrett</a>

Får du problem med noko, så er det berre å ta kontakt på post@eldar.no

Medlemskontingent for 2026 er sendt ut

Herrelaget satsar vidare, men ynskjer fleire spelarar

Dei fleste brikkene byrjar å kome på plass og 2026 vert tredje sesong på rad Eldar stiller lag i 7.divisjon. Det meste rundt laget vert slik som tidlegare. Gaute Almeland vert hovudtrenar og Henning Gjerald held fram som assistenttrenar og fysisk trenar. Britt Ragnhild Gjerald vert kontaktperson, medan Sander Nåsen Neteland vert SoMe ansvarleg.&nbsp;

Spelargruppa er nokså uendra, men me såg utover hausten at me vart litt for få. Særskilt vart det merkbart når me fekk nokre skadar på eit par av nøkkelspelarane. Difor ynskjer me å rekruttere nokre fleire for å sikre at me har eit slagkraftig mannskap heile sesongen, samt sørge for at Sveinung av og til kan få litt selskap på benken. 

Hovudfokuset vårt er trivsel, samtidig som me ynskjer å utvikle både laget og enkeltspelaren. Både spel- og poengmessig har me forbetra oss kvar sesong, men me har diverre mangla det siste ekstra i mange kampar for å bikke tap over til siger. Kanskje er det du som har dette ekstra?

Trening to gonger i veka i perioden januar - oktober (Oppstart i slutten av januar)

Stiller på 15-20 kampar (Bortekampane er stort sett i Bergen)

Betalt medlemsskap i Eldar (200kr) og treningsavgift (1800kr)

Har lest sportsplanen (ligg vedlagt).&nbsp;

Stiller spørsmål om du lurar på noko.&nbsp;

Om du ikkje ynskjer/klarar å stille opp så ofte som forventa, så ynskjer me også etablere ein liten "pool" med bonusspelarar. Dette er spelarar som ynskjer å vera med på treningar når dei kan og bidreg på kampar når me manglar spelarar.

Høyrest dette spennande ut, ta kontakt med Gaute Almeland (Tlf 479 59 3499 eller kaptein Adrian Mala Kvåle (Tlf 458 45 217), eller kven som helst andre i laget.&nbsp;

Les saksgrunnlaget til årsmøte

Les saksgrunnlaget til årsmøte

Saksliste til årsmøte

Oppstart av damefotballtreningar

Hopp og kombikrossrenn på Framnes

Bli Grasrotgiver og støtt klubben i ditt hjerte